مجھے آپ کو مالیاتی نتائج سے آگاہ کرتے ہوئے بے حد خوشی محسوس ہورہی ہے جو ہماری کمپنی کی تاریخ کے بہترین نتائج ہیں۔ سیمنٹ کی طلب میں بے پناہ اضافہ کے ساتھ آپ کی کمپنی کی آمدنی میں بھی گزشتہ سال کے مقابلے میں نمایاں اضافہ ہوا ہے اور ہمیں اتنا منافع حاصل ہوا ہے جتنا اب سے پہلے کبھی نہیں ہوا تھا۔

سال کے دوران میں کمپنی نے معیاری پیپر اور پی پی بیگز تیارکرکے سیمنٹ کی صنعت کو فراہم کئے ہیں اور اس بناء پربڑی کامیابی کے ساتھ اپنے مارکیٹ شیئر میں اضافہ حاصل کیا ہے۔ پاکستان میں سیمنٹ کی صنعت کیلئے پیکیجنگ کی تمام ضروریات کوایک چھت کے تلے پوری کرنے والی واحد کمپنی کے حیثیت سےCPLاب نہ صرف پاکستان میں بلکہ عالمی سطح پر اپنے معزز صارفین کا پہلا انتخاب بن چکی ہے۔کمپنی نے یورپ، ایشیاء اور افریقہ میں نئی مارکیٹس کو اپنے بیگز برآمد کئے ہیں اور اپنی مصنوعات بشمول BoPP بیگز کیلئے نئی مارکیٹس دریافت کرنے میں کامیابی حاصل کی ہے۔ یہ کامیابی ہماری صارفین پر بھرپور توجہ اور کمپنی کی اعلیٰ ترین معیار کے بیگز پیش کرنے کے سبب حاصل ہوئی ہے۔ پیکیجنگ میٹریل کی مسلسل بڑھتی ہوئی مانگ کی وجہ سے آپ کی کمپنی نے سال کے آخر میں PPپلانٹ کی تیسری لائن نصب کی ہے جس سے سالانہ پیداواری گنجاش بڑھ کر  ۱۹۵  ملین بیگ ہوگئی ہے۔  ۲۰۱۷ میں PPبیگ کی سالانہ پیداواری گنجائش میں  ۵۰  ملین کا اضافہ ہوجائے گا۔اس کے علاوہ کمپنی اپنے پیپر سیک پلانٹ کی پیداواری گنجائش میں اضافہ کی تیاری کے مرحلہ میں ہے جس سے ہماری گنجائش  ۴۰۰  ملین پیپر سیک سالانہ ہوجائے گی۔اس پیداواری گنجائش میں اضافہ سے کمپنی اپنے صارفین کیلئے پیپر اور PPبیگز دونوں کی ضروریات موثر طور پر پوری کرنے کی اہل ہوجائے گی۔اس کے علاوہ کمپنی کو PPبیگزکی برآمد کیلئے نئی مارکیٹس دریافت کرنے اور پیکیجنگ کیلئے نئے شعبہ جیسے چینی، چاول، گندم ، کیمیکلز وغیرہ کیلئے اپنی مصنوعات فراہم کرنے کے مواقع حاصل ہوں گے۔ ہمیں فخر ہے کہ ہم اپنے معیار ، صارفین کے خیال اور توانائی کی بچت کی کوششون اور ماحول کے تحفظ کا پورا پورا خیال رکھتے ہین اورجو ہماری کاروباری کامیابیوں کی مضبوطی کی ضمانت ہے

عامر فاروق چیف ایگزیکٹیو

چئیرمین